Байден АҚШ учун Афғонистондан кўра Сурия ва Шарқий Африка хавфлироқ эканлигини айтди

«Хавфсизлигимиз кафолатланган дейиш учун Суриядаги ҳарбийларимиз етарлича эмас», — деди АҚШ президенти.

Фото: EPA/Vostock-photo

АҚШ учун Афғонистондан кўра Сурия ва Шарқий Африкадан келадиган террорчилик таҳдидлари хавфлироқ. Бу ҳақда АҚШ президенти Жо Байден ABC телеканалига берган интервьюсида айтди.

«АҚШ учун Суриядан анча жиддий хатар мавжуд. Шарқий Африкадан янада жиддий хатар бор. Афғонистон тоғларидан келадиган хавфдан кўра бошқа жойлардан келадиган жиддий хатарлар мавжуд», — деди у.

«Хавфсизлигимиз кафолатланган дейиш учун Суриядаги ҳарбийларимиз етарлича эмас», — деди АҚШ президенти.

АҚШ ва НАТО Афғонистондаги ҳарбийларини олиб чиқиб кетишни бошлаганидан сўнг мамлакатда «Толибон» ҳаракати фаоллашди. Ҳаракат аъзолари 15 август куни Афғонистондаги ҳокимиятни ўз қўлларига олишди.