«Ўтган 5 йил давомида ўзим ҳам кўп нарсани ўргандим» – Шавкат Мирзиёев

“Мана, самарқандлик тадбиркорлар ҳисоб рақамида бир неча миллионлаб доллар пуллар бор. Ҳалоли бўлсин, бундан ҳам кўпайсин. Олдин ҳисобида бунча пул бўлса, дарров “маски шоу” бўлиб кетарди. 

Самарқандда ер сотиш кўпайиб кетди, бир неча ҳокимлар ҳам бу ишга аралашиб қолди. Прокурор маълумот келтирганида мен мажбур бўлдим қўл қўйишга. Чунки жиноят бўлса жазо муқаррар!

Шунинг учун ҳам ҳокимлар ваколатини қисқартириб, аста-секин жамоатчиликка бераман. Мен ўзим ўтган 5 йилда кўп нарсани ўрганиб билдим.

“Самарқанд тадбиркор ёшлар макони” деган ибора кучга киради ҳали. Мулкдор бўлинглар! Сизлар қанча кўп мулкдор бўлсангиз, ислоҳотларга бефарқ бўлмайсиз”, деди президент.

Аввалроқ, президент бундан буён давлат мулки объектлари, улар жойлашган ер билан бирга, ягона мулкий мажмуа сифатида аукцион орқали сотилишини маълум қилганди. 

Шунингдек, ҳар бир вилоятда махсус жамғармалар ташкил этилади ва ер майдонларини сотишдан тушган маблағ тўлиқ туман ва шаҳарлар ихтиёрида қолдирилиб, тадбиркорлар учун инфратузилма яратиш ва ривожлантиришга йўналтирилади.