Британиялик юқори лавозимли ҳарбий Байден трибунал олдида жавоб бериши кераклигини айтди

АҚШ президенти Жо Байден “АҚШ ва унинг қуролли кучларига хиёнат қилгани учун” АҚШ қуролли кучлари бош қўмондони сифатида ҳарбий трибунал олдида жавоб бериши лозим. Бундай фикрни Fox News телеканалига интервьюда Афғонистондаги британ қўшинларининг собиқ қўмондони, полковник Ричард Кэмп билдирди.

Фото: Fox News

Ҳарбий Байденга Афғонистондан қўшинларни олиб чиққани учун импичмент эълон қилиш таклифига шундай изоҳ берган.

“Фикримча, Байденга импичмент эълон қилмаслик керак. У толибларга таслим бўлган АҚШ қуролли кучлари бош қўмондонидир. У АҚШ ва унинг қуролли кучларига хиёнат қилгани учун ҳарбий трибунал олдида жавоб бериши керак”, деб айтган Кэмп.

Унинг таъкидлашича, Хитой ва Россия гўёки “Толибон” ҳокимиятини тан олди ва Эрон ҳамда Покистон билан бирлашиб, урушдан азият чекувчи Афғонистонни “талон-торож қилиш ҳисобига янада бойийди”.