Толиблар 31 августдан кейин Кобулдан эвакуация қилиш тақиқланишини маълум қилди

Афғонистонни тарк этишни хоҳловчи барча буни 31 августгача амалга ошириши лозим. Бу ҳақда “Толибон” расмий вакили Забиҳулла Мужоҳид, маълум қилди, деб хабар берди Al Jazeera телеканали.

“31 августдан кейин эвакуация бўйича ҳеч қандай операция амалга оширилишига йўл қўймаймиз”, – деди у.

Мужоҳиднинг қўшимча қилишича, толиблар Кобул аэропортига олиб борадиган йўлни тўсишган.

“Биз аэропортга олиб борадиган йўлни ёпдик ва фақат хорижликларни ўтказяпмиз”, – деди Мужоҳид.