Қўшимча функционаллар
-
Тунги кўриниш
Кобулда юзлаб одамлар банклар очилишини талаб қилиб намойиш ўтказди
Юзлаб одамлар банклар ва валюта алмаштириш шохобчалари очилишини талаб қилиб Кобул кўчаларига чиқди. Бу ҳақда Khaama Press агентлиги хабар бермоқда.
«Толибон» ҳаракати 25 августдан Афғонистондаги барча банклар иш бошлашини эълон қилганига қарамасдан, кўплаб банклар ходимлари хавфсизлик нуқтайи назаридан ишга қайтмаяпти.
Намойишчилар банкларда сақланаётган маблағларнинг ҳеч бўлмаса бир қисми берилишини талаб қилди. Ўз навбатида, банклар раҳбарлари мамлакат марказий банки очилмагунича фаолият бошлай олмасликларини айтмоқда.
Афғонистондаги барча молия муассасалари қарийб икки ҳафтадан буён ёпиқ турибди. Натижада миллионлаб кишилар банклардаги пулларини ололмаяпти, ишхоналар эса ўз ходимларига маош бера олмаяпти.
Толиблар 23 август куни Ҳожи Муҳаммад Идрисни марказий банк бошлиғи вазифасини бажарувчи этиб тайинлаганди. Аввалроқ Ашраф Ғани бошчилигидаги ҳукумат даврида марказий банк раҳбари вазифасини бажарган Ажмал Аҳмадий толиблар давлат резервларининг 0,1 фоизига эгалик қилиши мумкинлигини, резервларнинг катта қисми АҚШ томонидан музлатиб қўйилганини айтганди.
АҚШнинг Афғонистондан кетиши
Мавзуга оид
18:32 / 15.05.2026
Ўзбекистон ва Афғонистон божхоначилари чегара постларидаги муаммоларни бартараф этиш бўйича учрашув ўтказди
12:23 / 02.05.2026
Австрия афғон муҳожирларини Ўзбекистон орқали депортация қилишни режалаштиряпти
11:34 / 28.04.2026
“Империялар қабристони” – нега йирик давлатлар Афғонистонни бўйсундира олмаган?
23:39 / 27.04.2026