АҚШ Шимолий Кореяга сафарларга тақиқловни бир йилга узайтирди

“Давлат департаменти АҚШ фуқароларига уларнинг жисмоний хавфсизлигига ҳамон жиддий хавф бор, деб ҳисобламоқда”, деб айтилган департамент баёнотида.

“Шу сабабли АҚШдаги барча паспортлар Шимолий Кореяга, у бўйлаб ва у орқали сафарлар уюштириш учун ҳақиқий бўлмай қолади”, деб айтилган хабарда.  

Тақиқлов 2022 йил 31 августгача амал қилади.

Америкаликларга Шимолий Кореяга сафар уюштиришга тақиқлов илк бор 2017 йилда ўша вақтдаги давлат котиби Рекс Тиллерсон томонидан киритилган. Бунга Шимолий Кореяда ҳибсда ушлаб турилган америкалик талаба Отто Уормбиер касалликка учраб, кома ҳолатида АҚШга жўнатилгани ва у ерда вафот этгани сабаб бўлган.