Маълумот берилишича, афғонистонлик қочқинлар АҚШнинг еттита ҳарбий базаси ҳамда Форс кўрфази ва Европадаги шаҳарларга жойлаштирилади.
Фото: AP Photo/Giuseppe Distefano
АҚШга Кобулдан эвакуация қилинган 23 876 нафар Афғонистон фуқароси олиб келинди, деб хабар берди CBS News.
Бу ҳақда АҚШ давлат департаменти вакили Нед Прайс маълум қилди.
Прайснинг сўзларига кўра, 17-31 август кунлари эвакуация қилинган 31 107 нафар кишининг 14 фоизи АҚШ фуқаролари, 9 фоизи қонуний доимий аҳолиси, қолган 77 фоизи хатар ҳудудида бўлган афғонлар ҳисобланади.
Маълумот берилишича, афғонистонлик қочқинлар АҚШнинг еттита ҳарбий базаси ҳамда Форс кўрфази ва Европадаги шаҳарларга жойлаштирилади.
АҚШ ҳукуматининг билдиришича, ҳозирда Афғонистонда 200 нафаргача америкаликлар қолиб кетган.
