Молия вазирлигининг «Очиқ бюджет» ахборот порталига Бухоро вилоятида учраётган камчиликлар ечимига маҳаллий бюджетдан пул ажратиш бўйича энг кўп овоз олган 61 та таклиф тасдиқланди.
Тасдиқланган таклифларнинг қарийб 10 таси ҳудуддаги мактабларни таъмирлаш, жиҳозлаш билан боғлиқ. Қолган таклифлар ички йўлларни таъмирлаш, кўчаларга тунги чироқлар ўрнатиш, ичимлик сув, маданият бўлимларини таъмирлаш, спорт майдончалари қуриш кабилардан иборат.
Бухоро вилояти бўйича «Ташаббусли бюджет» лойиҳасига қарийб 16,9 млрд сўм ажратилган. Ғолиб деб топилган лойиҳалар туман ва шаҳар халқ депутатлари қарори билан молиялаштирилади.
