Саудия Арабистони хайрия жамғармаси Ўзбекистонга 500 минг доллар беғараз ёрдам ажратди
Саудия Арабистони “Alwaleed Philanthropies” хайрия жамғармаси Ўзбекистонга турли лойиҳалар учун жами 500 минг доллар беғараз ёрдам ажратди. Бу ҳақда Ўзбекистоннинг Саудиядаги элчиси Улуғбек Мақсудовнинг жамғарма бош котиби билан бўлиб ўтган музокараларда маълум қилинган.
“Alwaleed Philanthropies” хайрия жамғармаси бош котиби Ламия бинт Абдулмажид Ол Сауднинг айтишича, жамғарма раҳбари шаҳзода Алвалид бин Талол томонидан муайян лойиҳалар учун жами 500 минг АҚШ доллари ажратишга розилик билдирилган. Ушбу маблағларнинг 200 минг доллари Оролбўйи минтақаси инсон хавфсизлиги бўйича кўп шериклик траст жамғармасига, 150 минг доллари эса “Ҳунарманд” уюшмасининг “Тупроққалъа туманида уй шароитида қўлда гилам тўқиш цехини барпо этиш” лойиҳасига тақдим этилган.
Бундан ташқари, хайрия жамғармаси билан “Zamin” Халқаро жамоат фондининг “Эшитиш қобилияти қийин бўлган болалар таълимини ривожлантириш” дастурига 150 минг доллар ажратилиши юзасидан қисқа муддатларда шартнома имзоланади.
Жамғарма вакили, шунингдек, ҳамкорлик алоқаларини муҳокама қилиш мақсадида компания делегацияси Ўзбекистонга ташриф буюришга тайёрлигини билдирди.
Мавзуга оид
15:56 / 08.10.2024
Туғуруқхоналардаги ўлимни қандай камайтириш мумкин? – Саудияда ишлаётган ўзбек шифокори билан суҳбат
14:30 / 01.10.2024
Ўзбекистон бош вазири ўринбосари Саудия инвестициялар вазири билан музокара ўтказди
19:43 / 29.09.2024
Саудия Арабистонида 2024 йилда қанча инсон қатл этилгани маълум бўлди
12:40 / 27.09.2024