Қўшимча функционаллар
-
Тунги кўриниш
Хитойда болаларнинг TikTok’дан фойдаланиш вақтига чеклов ўрнатилди
14 ёшдан кичик фойдаланувчилар иловани кунига 40 дақиқадан ортиқ ишлата олмайди. Бундан ташқари, уларда TikTok кеч соат 10дан эрталабки 6гача ишламайди.
Фото: Weibo
Хитойда TikTok (Douyin) иловасининг 14 ёшдан кичик бўлган фойдаланувчиларига нисбатан чекловлар ўрнатилди, деб хабар берди South China Morning Post.
Иловани ишлаб чиқарган ByteDance компаниясининг маълумотига кўра, бундан буён 14 ёшдан кичик фойдаланувчилар иловани кунига 40 дақиқадан ортиқ ишлата олмайди. Бундан ташқари, уларда кеч соат 10дан эрталабки 6гача илова ишламайди.
Қайд этилишича, ушбу чекловлар Хитой ҳукуматининг ёшларда "интернет-қарамлик"нинг олдини олишга қарши кураши доирасида киритилган.
Шунингдек, ByteDance болалар учун TikTok иловасига ўхшаш Xiao Qu Xing иловасини ишлаб чиқди. Xiao Qu Xing иловасида асосан билим берувчи контент жойлаштирилган ва ундан ҳам кунига 40 дақиқагача фойдаланиш мумкин.
Хитой ҳукумати июлда 16 ёшгача бўлган болаларнинг стримларда чиқиши, юлдузга айланиши, уларни интернет орқали даромад олишга ундашни тақиқлаганди.
Ҳукумат болалар интернетидаги «вояга етмаганларнинг жисмоний ва руҳий саломатлигига хавф соладиган» етти муаммони санаб ўтган ва йирик интернет-платформаларга бу муаммоларни ҳал қилишга буйруқ берган.
Мавзуга оид
17:13 / 20.12.2024
Хитой-Қирғизистон-Ўзбекистон темирйўли қурилишининг бошланиш санаси маълум бўлди
12:46 / 20.12.2024
Хитойда «Темирйўлкарго» юк операторининг ваколатхонаси очилди
19:37 / 19.12.2024
Хитой сунъий оролда дунёдаги энг йирик аэропортлардан бирини қуради
18:35 / 19.12.2024