Қўшимча функционаллар
-
Тунги кўриниш
Франция АҚШга ўз элчисини қайтаришга қарор қилди
Фото: Getty Images
Франция президенти Эммануэл Макрон кейинги ҳафтада мамлакатнинг АҚШдаги элчисини Вашингтонга қайтаришга кўрсатма берди. Элчи Австралия Франция билан сувости кемалари етказилиши бўйича шартномадан чиқанидан кейин ортга чақиртириб олинганди. Париж ушбу шартноманинг йўққа чиқишида АҚШни айблаган.
Макрон АҚШ президенти Жо Байден билан телефон суҳбатидан кейин элчини қайтаришга қарор қилган.
Икки етакчи суҳбат давомида ишончни тиклаш бўйича маслаҳатлашувлар жараёнини бошлашга ва октябрь охирида Европада учрашишга келишиб олган.
Ўтган ҳафта АҚШ, Австралия ва Британия мудофаа соҳасида янги альянс AUKUS’ни ташкил этишини эълон қилган. Ушбу альянс доирасида Австралияни АҚШ сувости кемалари билан таъминлаш кўзда тутилган. Бунинг ортида Австралия Франция билан сувости кемалари етказиш бўйича 66 млрд долларлик шартномадан воз кечган. Парижда иттифоқдош давлатларнинг қарори “орқадан пичоқ санчиш” деб баҳоланган ва кейинроқ Франциянинг АҚШ ва Австралиядаги элчилари ортга чақиртириб олинган.
Мавзуга оид
10:09
АҚШнинг Полшадаги янги РҚМ базаси Россия ракеталарини уриб тушира олади
13:07 / 13.10.2024
«Чекмайди ва онда-сонда озгина ичади». Камала Ҳаррис ўз тиббий картасини эълон қилди
16:29 / 12.10.2024
АҚШда радиоактив йўл қурилишига рухсат берилди
20:53 / 11.10.2024