Қўшимча функционаллар
-
Тунги кўриниш
НАТО кескинлик ортиши фонида Косовода қўриқлаш ишларини кучайтирди
Сербия ва Косово ўртасидаги муносабатлар автомобиллар давлат рақамлари ортидан кескинлашди.
Фото: AP
НАТО халқаро тинчликпарварлик миссияси қўмондонлиги (KFOR) Сербия билан муносабатлар кескинлашиши фонида Косоводаги патруллар сонини ва давомийлигини оширди. Бу ҳақда Tanjug нашри хабар берди.
“KFOR бутун Косово ҳудудидаги вазиятни диққат билан кузатмоқда ва ўз мандатини амалга оширишга эътибор қаратган. KFOR бутун Косово бўйича патруллар сони ва давомийлигини оширди”, – дейилади қўмондонлик хабарида.
Сербия ва Косово ўртасидаги муносабатлар автомобиллар давлат рақамлари ортидан кескинлашди. Косово ҳукумати Сербия давлат рақамларида ҳаракатланувчи автомобилларни ўтказмасликни ва уларнинг эгаларидан рақамларни Косово давлат рақамларига алмаштиришни талаб қилди.
Бу талабдан норози бўлган этник серблар Яринье ва Брняк чегара-ўтказув пунктларини тўсиб қўйди. Оқибатда Косово ҳукумати чегара ҳудудига полиция махсус кучларини жўнатди. Бунга жавобан Сербия ўз қўшинларини жанговар шай ҳолатга келтирди.
Косово 2008 йилда Сербиядан ажралиб чиққанини эълон қилган. Уни АҚШ ва Европанинг кўплаб давлатлари тан олган. Белград Косово мустақиллигини тан олмай келмоқда.
Мавзуга оид
21:13 / 11.10.2024
НАТОнинг янги бош котиби иттифоқчиларни Путиннинг ядровий таҳдидларига эътибор қаратмасликка чақирди
19:38 / 11.10.2024
Зеленский Европа пойтахтларини айланди. У иттифоқчилардан нима талаб қилди? Ва у нимага эришиши мумкин?
10:10 / 11.10.2024
НАТО Европада йиллик ядровий машғулотлар бошланишини эълон қилди
22:05 / 05.10.2024