Коррупция йўқ десак ёлғон бўлади, коррупция ичимизда юрибди – Шавкат Мирзиёев

Бугун, 28 сентябрь куни президентликка номзод Шавкат Мирзиёев Фарғона вилоятида ЎзЛиДеП томонидан ташкиллаштирилган сайловчилар билан учрашувда иштирок этмоқда.

Kun.uz мухбирининг хабар беришича, Фарғонадаги учрашувда номзодга сўз берилганида, Шавкат Мирзиёев коррупция ҳақида ўз фикрини билдирди.

“Мен ҳар бирингизнинг кўзингизга қараб турибман, ўзимга яраша психологман. Олдингидек ҳеч ким сизларни мажбурлаб кириб қарсак чалдирмаяпти. Мен эрта-ю кеч бир нарсани ўйлайман – оёғим ердан узилмасин, атрофимдагилар мени алдамасин, вазиятни ўзим баҳолай.

Мана, шунча пуллар ажратяпмиз, лекин булар адолатли ишлатилиши учун жамоатчилик назорати керак. Чунки коррупция йўқ десак ёлғон бўлади, коррупция ичимизда юрибди. Коррупцияга қарши бутун жамоатчилик билан курашишимиз зарур”, – деди Шавкат Мирзиёев.

Тайёрлаган Аброр Зоҳидов

#коррупция #Шавкат Мирзиёев

Сайлов қонунчилигига киритилган ўзгартишларга кўра сайловлар октябр ойи учинчи ўн кунлигининг биринчи якшанбасида ўтказилиши белгиланди. 2021 йилги президентлик сайлови 24 октябрга тўғри келмоқда.