Туркманистон Афғонистоннинг янги ҳукумати билан ишлашга тайёрлигини билдирди
Гурбангули Бердимуҳамедов Туркманистон ўзининг ижобий нейтрал мақомига таянган ҳолда бошқа давлатларнинг ички ишларига аралашмаган ҳолда мутлақо тинчликсевар ташқи сиёсат олиб бораётганини таъкидлади.
Ашхобод Афғонистоннинг янги ҳукумати билан ишлашга ва бу мамлакатдаги вазиятни барқарорлаштиришга ёрдам беришга тайёр. Бу ҳақда Туркманистон президенти Гурбангули Бердимуҳамедов ТАССга берган интервьюсида айтди.
“Биз Афғонистондаги вазият ривожи ва охирги воқеаларни диққат билан кузатмоқдамиз. Биз анъанавий туркман-афғон муносабатларини янада мустаҳкамлаш учун Афғонистоннинг янги ҳукумати билан ишлашга, бу мамлакатдаги вазиятнинг барқарорлашиши ва ижтимоий-иқтисодий ривожланишига ёрдам беришга тайёрлигимизни таъкидламоқчиман”, – деди у.
Бердимуҳамедов шунингдек, Туркманистон ўзининг ижобий нейтрал мақомига таянган ҳолда бошқа давлатларнинг ички ишларига аралашмаган ҳолда мутлақо тинчликсевар ташқи сиёсат олиб бораётганини таъкидлади.
“Толибон” ҳаракати 15 август куни Кобулни эгаллаган, Афғонистон президенти Ашраф Ғани мамлакатни тарк этганди. Толиблар 6 сентябр куни бутун мамлакат ҳудуди бўйлаб назорат ўрнатилганини, 7 сентябрда эса вақтинчалик ҳукумат таркибини эълон қилди.
Мавзуга оид
18:51 / 12.10.2024
Ашхободдаги кўчага президентни даволаган немис шифокорининг номи берилди
16:50 / 11.10.2024
Ўзбек компанияси Афғонистоннинг энергетика секторига 1 млрд доллар сармоя киритади
08:10 / 10.10.2024
ТИВ раҳбари Афғонистоннинг Ўзбекистондаги янги элчисини қабул қилди
13:35 / 08.10.2024