Хитой ҳукумати энергетика компанияларига электр таъминотида узилишларга йўл қўймасликка буйруқ берди

Хитой ҳукумати давлат энергетика компанияларини қиш мавсумида электр энергия таъминотида узилишларга йўл қўймаслик тўғрисида огоҳлантирди. Бу ҳақда ўз манбаларига таяниб Bloomberg агентлиги хабар берди.

Агентликнинг маълумот беришича, бу борада энергетика соҳасини назорат қилувчи бош вазир ўринбосари Хан Чжэн буйруқ берган.

Хитойда нефт, газ ва кўмир нархлари ошиши фонида энергетика инқирози кузатилмоқда.

Аввалроқ мамлакатнинг айрим ҳудудларида ишлаб чиқариш учун электр энергия етказиб бериш чеклангани ва бир нечта корхона иш фаолиятини вақтинча тўхтатгани хабар қилинганди.