Трамп Twitter аккаунтини суд орқали тикламоқчи

Трампнинг Twitter аккаунтида 88 млн обуначи бор эди.

АҚШ собиқ президенти Доналд Трамп ўз адвокатлари орқали Флорида штати федерал судига Twitter ижтимоий тармоғидаги аккаунтини тўлиқ тикланмагунига қадар вақтинча блокдан чиқаришни сўраб мурожаат қилди. Бу ҳақда Bloomberg агентлиги хабар берди.

Агентликнинг ёзишича, мурожаатда Twitter АҚШда «очиқ демократик дебатлар учун беқиёс ва хавфли даражадаги ҳокимиятга эга»лиги айтилган.

Трампнинг Twitter аккаунтида 88 млн обуначи бор эди.

Аввалроқ ижтимоий тармоқ Трампнинг шахсий аккаунтини блоклаб қўйганди. Бу 6 январда унинг тарафдорлари АҚШ конгресси биносини эгаллаб олишга уринганидан сўнг юз берганди.