Қўшимча функционаллар
-
Тунги кўриниш
ОАВ: Афғонистоннинг қўшни давлатлардан электр энергияси учун қарзи 62 миллион доллардан ошган
Афғонистон қўшни давлатлар: Ўзбекистон, Тожикистон, Туркманистон ва Эронга қарзларини тўлашга ваъда бериб, электрни ўчирмасликни сўрамоқда.
Фото: Unsplash
Афғонистоннинг қўшни давлатлардан электр энергияси учун қарздорлиги қарийб 62 миллион долларни ташкил этмоқда. Бу ҳақда ТОLO News маълумотларига таяниб, ТАСС нашри хабар бермоқда.
Маълум қилинишича, Афғонистоннинг DABS энергетик корпорацияси электр энергиясини экспорт қилувчи қўшни давлатлар — Ўзбекистон, Тожикистон, Туркманистон ва Эронга қарзларини тўлашни ваъда қилиб, электр энергиясини ўчирмасликни сўраган.
Шунингдек, DABS қарзларни тўлашга ёрдам бериш учун БМТнинг мамлакатдаги ёрдам миссиясига ҳам мурожаат қилган.
Қайд этилишича, компания етарли ёрдам ололмаса, электр учун «пул тўламаган афғонлар»га босим ўтказишга мажбур бўлади.
Маълумот учун, 6 сентябрда «Толибон» бутун Афғонистон ҳудудини ўз назоратига олганини, 7 сентябрда эса муваққат ҳукумат тузганини эълон қилганди. Кўрилган чораларга қарамай, Афғонистондаги иқтисодий вазият ўта оғирлигича қолмоқда. Бунга асосий сабаб сифатида Афғонистон давлат захираларининг (9,4 миллиард доллар) АҚШ томонидан музлатиб қўйилганини келтириб ўтиш мумкин.
АҚШнинг Афғонистондан кетиши
Мавзуга оид
21:02 / 01.03.2026
Афғонистон Покистон билан тўқнашувлар давомида 400 нафардан ортиқ ҳарбийларини йўқотди
21:59 / 28.02.2026
Бахтиёр Саидов Афғонистон ва Покистон ташқи ишлар вазирлари билан мулоқот ўтказди
21:42 / 27.02.2026
Ўзбекистон Афғонистон ва Покистонни ўт очишни дарҳол тўхтатишга чақирди
07:58 / 27.02.2026