Тошкент шаҳрининг Яшнобод туманида ўлим билан тугаган йўл-транспорт ҳодисаси содир бўлди. Бу ҳақда пойтахт ИИББ хабар қилди.
Фото: ИИББ ахборот хизмати
2021 йил 5 октябр куни соат тахминан 21:00ларда Яшнобод тумани, Жарқўрғон кўчасида 1998 йилда туғилган А.Ж. «Лада 11184» русумли автомобилни ишончнома асосида бошқариш давомида транспорт воситалари учун кутилмаганда чапга бурилган велосипедчини уриб юборган.
Тўқнашув натижасида велосипедни бошқарган, 1985 йилда туғилган Р.С. бадан шикастлари туфайли ҳаётдан кўз юмган.
Мазкур факт бўйича Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми бўйича жиноят иши қўзғатилди. Тергов олиб борилмоқда.
