Америкаликлар интернет ўчирилиши ҳолатига қўлбола тармоқ яратишмоқда
АҚШдаги Mycelium Mesh Project нотижорат ташкилоти иштирокчилари интернет ўчирилиши ҳолатига яратилган қўлбола симсиз тармоқни синовдан ўтказишмоқда.
Vice порталининг хабар беришича, янги тизимнинг ўзига хослиги шундаки, уни қўл остидаги материаллардан йиғиш мумкин. Тайёр қурилмаларни эса маҳаллий дўконларда сотиб олиш ёки интернет орқали буюртириш мумкин.
Қўлбола қурилмалар тармоққа уланиши билан маълумотлар узатишни бошлайди. Улар 42 кмгача масофада матнли алоқани таъминлайди.
Таъкидланишича, тизим ўзига хос тузилишга эга бўлгани сабабли турли узилишларга барқарор. Тармоқнинг барча иштирокчилари тенг ҳуқуқли ва бир-бири билан жуфтлик бўлиб боғланган. Бунинг эвазига тармоқ унда бор-йўғи икки фойдаланувчи қолгунга қадар ишлайди.
Ташкилотда таъкидланишича, узатгичларни интернет ёки электр таъминоти узилиши ҳолатига исталган жойда тез ўрнатиш учун қулай қилишга уринишмоқда.
Мавзуга оид
13:07
«Чекмайди ва онда-сонда озгина ичади». Камала Ҳаррис ўз тиббий картасини эълон қилди
16:29 / 12.10.2024
АҚШда радиоактив йўл қурилишига рухсат берилди
20:53 / 11.10.2024
“Орландо ва у ердаги ўзбеклар “Милтон” тўфонидан жабр кўрмади” — Соҳиб Аббосхон
15:57 / 11.10.2024