Маълум қилинишича, Михаил Саакашвили қамоқхонада 12 килограммдан ортиқроққа озиб кетган.
![](https://storage.kun.uz/source/7/JE9ikRdiserM2qO0dZq6aHVXvcnAHOYO.jpg)
Фото: AP
Грузия собиқ президенти Михаил Саакашвилининг саломатлиги ёмонлаша бошлади. Бу ҳақда унинг адвокати Бека Басилая маълум қилди.
«Унинг руҳий ҳолати яхши, аммо жисмоний ҳолати табиийки, ёмонлаша бошлади», — деди адвокат.
Унинг сўзларига кўра, Саакашвили қамоқхонада 12 килограммдан ортиқроққа озиб кетган.
Саакашвили 1 октябрда қўлга олинган бўлиб, Рустави шаҳридаги қамоқхонага жойлаштирилганди. У Грузияда бир нечта жиноят ишлари бўйича айбдор деб топилган.
Саакашвили айбловларга норозилик сифатида қамоқхонада очлик эълон қилди.