Россияда коронавирусдан суткалик ўлим ҳолатлари бўйича янги рекорд қайд этилди

Сутка давомида коронавирус юқтириш билан боғлиқ 29362та янги ҳолат аниқланди.

Фото: ТАСС

Росстат коронавирусдан ўлим ҳолатлари бўйича август ойи статистикасини эълон қилди.

Маълумот берилишича, Россияда ёзнинг сўнгги ойида COVID-19га чалинган 49389 нафар бемор вафот этган. Бу июлда қайд этилган 51044 ўлимдан салгина камроқ. Мамлакатда коронавирусдан вафот этганлар сони 250 мингдан ошган (ўтган йили 12 ой давомида 163,3 минг киши вафот этган).

Россияда коронавирус инфекцияси тарқалиши билан боғлиқ вазият кескинлигича қолмоқда ва ёмонлашишда давом этмоқда, деди мамлакат соғлиқни сақлаш вазири Михаил Мурашко.

Петербургда кексалар учун чекловлар кучайтирилиши мумкинлиги айтилди. Шаҳар ҳокимияти бу тоифадаги фуқароларнинг эмланиш суръатидан норози. Маълумот берилишича, ҳозиргача бир миллиондан ортиқ пенсионердан 526 минг нафари эмланган.