Қайси вакциналар билан эмланган хорижликлар АҚШга кира олиши маълум қилинди
АҚШда Pfizer ва BioNTech, Moderna ҳамда Johnson & Johnson вакциналари маъқулланган.
8 ноябрдан Озиқ-овқат маҳсулотлари ва дори воситалари назорати бошқармаси (FDA) ёки Жаҳон соғлиқни сақлаш ташкилоти маъқуллаган коронавирусга қарши вакцина билан тўлиқ эмланган хориж фуқаролари АҚШга кира олади, деб ёзади The New York Times.
Бунда, АҚШга сафар қилаётган хорижликлар самолётга чиқиш олдидан эмлангани тўғрисидаги сертификатни кўрсатиши, мамлакатга кирганидан кейин эса уч кун ичида коронавирусга манфий тест натижасини тақдим этиши лозим.
АҚШ Озиқ-овқат маҳсулотлари ва дори воситалари назорати бошқармаси томонидан Pfizer ва BioNTech, Moderna ҳамда Johnson & Johnson вакциналари маъқулланган. ЖССТ эса олти вакцинани маъқуллаган: Pfizer ва BioNTech, AstraZeneca, Ҳиндистоннинг Serum, Johnson & Johnson, Moderna ва Хитойнинг Sinopharm компаниялари ишлаб чиқарган вакциналар.
Аввалроқ АҚШ 8 ноябрда 30дан ортиқ мамлакатнинг эмланган фуқаролари учун чегараларини очиши хабар қилинганди.
Мавзуга оид
21:17 / 12.10.2024
Камала Ҳаррис соғлом экани ҳақидаги маълумотномани эълон қилди
16:29 / 12.10.2024
АҚШда радиоактив йўл қурилишига рухсат берилди
20:53 / 11.10.2024
“Орландо ва у ердаги ўзбеклар “Милтон” тўфонидан жабр кўрмади” — Соҳиб Аббосхон
15:57 / 11.10.2024