ЖССТ вакили дунё пандемиядан қачон чиқиши мумкинлиги бўйича тахминини айтди

Мутахассиснинг фикрича, дунё аҳолисининг 80-85 фоизи коронавирусга қарши вакцина олиши зарур.

Фото: Reuters

Дунёда коронавирус пандемияси келаси йили тугаши мумкин, деди ЖССТнинг Европадаги минтақавий бюроси директори Ҳанс Клюге.

“Мен некбинман, келаси йили пандемиядан чиқамиз деб ҳисоблайман, аммо коронавирус тугамайди. У грипп сингари биз билан қолади”, – деди Клюге.

Унинг фикрича, дунё аҳолисининг 80-85 фоизи коронавирусга қарши вакцина олиши зарур.

“Биз одамлар эмланишга мутлақо қарши эмаслигини аниқладик. Уларда айрим саволлар бор холос. Масалан, илгари вакцина йиллар давомида яратилган, бу вакцина эса жуда тез ишлаб чиқилди, у хавфсизми? Ҳа, вакциналар барча текширувлардан ўтган ва улар хавфсиз”, – деди Клюге.

Тайёрлаган Дилшод Аскаров

#ЖССТ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.