Ла Лигада тур якунлари. «Реал Сосьедад» пешқадамга айланди, «Реал» ва «Атлетико» ўйинлари қолдирилди

Испания чемпионатининг 9-туридан ўрин олган бир қанча ўйинлар бўлиб ўтди.

Фото: Globallookpress

«Барселона» ўз майдонида «Валенсия» устидан ғалаба қозонди. Гайянинг голига Фати, Депай ва Коутиньо жавоб беришди. Серхио Агуэро 87-дақиқада захирадан майдонга тушиб, каталонияликлар сафидаги дебютини ўтказди.

«Реал Сосьедад» «Мальорка»га 90-дақиқада гол уриб, 20 очко билан пешқадам бўлиб олди. «Севилья» Вигода ғалаба қозонди, «Вильярреал» мавсумдаги илк мағлубиятини «Осасуна»дан қабул қилиб олди.

«Реал» – «Атлетик» ва «Гранада» – «Атлетико» ўйинлари номаълум муддатга қолдирилди. Чунки 15 октябрь куни ЖЧ-2022 Жанубий Америка саралаш босқич баҳслари ўтказилди, Мадрид клубларининг жанубий америкалик футболчилари эса клуб ихтиёрига қайтишга улгуришса-да, майдонга тушишга тайёр бўлишмасди.

Ла Лига. 9-тур. 16-17 октябрь
Барселона — Валенсия 3:1
Голлар: Фати (13), Депай (41, пенальти), Коутиньо (85) — Гайя (5).
Барселона – тер Стеген, Сержи Роберто (Мингеса, 71), Пике, Эрик Гарсия, Альба, Бускетс, де Йонг, Гави (Нико, 71), Дест (Агуэро, 87), Депай, Фати.
Валенсия – Силлессен, Фулькье (Муса, 75), Габриэл Паулиста, Диакаби, Гайя, Солер, Гильямон (Кошта, 86), Васс, Гедеш (Черишев, 75), Макси Гомес (Вальехо, 86), Дуро (Андре Маркос, 59).

Сельта — Севилья 0:1
Гол: Рафа Мир (54).
Сельта – Дитуро, Мальо, Мурильо, Айду, Галан, Денис Суарес, Мендес, Бельтран (Гальярдо, 81), Нолито (Серви, 73), Аспас, Санти Мина.
Севилья – Буну, Навас, Фернандо, Рекик, Аугустинссон, Ракитич (Сусо, 53), Гудель, Жордан (Оскар Родригес, 73), Окампос (Акунья, 73), Оливер Торрес (Дилэйни, 53), Рафа Мир (Ламела, 66).

Вильярреал — Осасуна 1:2
Голлар: Х.Морено (55) — Торро (26), Чими Авилья (87).
Вильярреал — Рулли, Манди, Торрес, А.Морено (Педраса, 46), Фойт, Парехо, Капу (Коклен, 46), Тригерос (М.Гомес, 78), Пино (Алкасер, 78), Х.Морено, Данжума (Чуквуэзе, 78).
Осасуна — Эррера, Д.Гарсия, У.Гарсия, Видаль, Круз, Монкайола (Ойер, 89), Брашанац, Торро, Санчес, К.Гарсия (Чими Авилья, 82), Р.Гарсия (Кальво, 69).

Райо Вальекано — Эльче 2:1
Голлар: Эрнандес (26), Нтека (65) — Бойе (14).

Реал Сосьедад — Мальорка 1:0
Гол: Лобете (90).

Леванте — Хетафе 0:0

18 октябрь
Алавес — Бетис

Эспаньол — Кадис