Польша ЕИ қонунларини бажармагани учун кунига 1 млн евродан жарима тўлайдиган бўлди

7 октябр куни Польша Конституцион суди ЕИ қонунчилигининг айрим қисмлари мамлакат Конституциясидан устун эмаслиги тўғрисида қарор қабул қилганди.

Фото: РИА Новости

Европа иттифоқи суди ЕИ қонунчилик нормаларини бажармагани учун Польша кунига 1 млн евродан жарима тўлаши тўғрисида ҳукм чиқарди.

Ҳукмга кўра, Польша Олий судининг тартиб-интизом палатаси тарқатиб юборилмагунига қадар мамлакат кунига 1 млн евродан жарима тўлайди.

7 октябр куни Польша Конституцион суди ЕИ қонунчилигининг айрим қисмлари мамлакат Конституциясидан устун эмаслиги тўғрисида қарор қабул қилганди. Қарорда айтилишича, Польшанинг Евроиттифоққа аъзолиги ЕИ органларининг мамлакат судидан устунлигини ва Польша суверенитетининг уларга берилишини англатмайди.

Аввалроқ Польша бош вазири Матеуш Моравецкий Евроиттифоқни шантажда айблаганди.

#ЕИ #Польша