Қўшимча функционаллар
-
Тунги кўриниш
Европанинг 12 давлати ташқи ишлар вазирлари Исроилни Ғарбий соҳилда 3 мингта уй қуриш режасидан воз кечишга чақирди
Улар "халқаро ҳуқуқни бузадиган ва Яқин Шарқ можаросини икки давлат мавжудлиги асосида барқарорлаштиришга бўлган уринишларга путур етказадиган" яҳудий масканлари қуриш сиёсатига қарши чиқишларини таъкидлашган.
Фото: Reuters
Европанинг 12 мамлакати ташқи ишлар вазирлари Исроилни Иордан дарёсининг Ғарбий соҳилида 3 мингдан ортиқ уй қуриш режасидан воз кечишга чақирди.
"Биз Исроил ҳукуматини Ғарбий соҳилида 3 мингдан ортиқ уй қуриш режасидан воз кечишга чақирамиз", - дейилади вазирлар баёнотида.
Улар "халқаро ҳуқуқни бузадиган ва Яқин Шарқ можаросини икки давлат мавжудлиги асосида барқарорлаштиришга бўлган уринишларга путур етказадиган" яҳудий масканлари қуриш сиёсатига қарши чиқишларини таъкидлаган.
Ҳужжатни Бельгия, Германия, Дания, Ирландия, Испания, Италия, Нидерландия, Норвегия, Польша, Финляндия, Франция ва Швеция дипломатлари имзолаган.
27 октябрда Исроил фуқаро маъмуриятининг режалаштириш комиссияси Иордан дарёсининг Ғарбий соҳилида яҳудийлар учун 3144та уй қурилиши режасини тасдиқлаганди.
Фаластин ташқи ишлар вазирлиги бу тинчлик музокаралари учун ёмон оқибатлар келтириб чиқариши мумкинлигини маълум қилди.
Ўз навбатида, АҚШ давлат департаменти Исроилнинг бу режалари кескинликни кучайтириши мумкинлигини билдирган.
Мавзуга оид
19:41 / 11.10.2024
Эрон Саудия Арабистони ва Форс кўрфазидаги бошқа нефт объектларига ҳужум уюштириш билан таҳдид қилди
17:26 / 11.10.2024
АҚШ Ливанни Ғазога айлантирмасликни талаб қилди
11:13 / 11.10.2024
Исроил Ғазодаги мактаб биносига зарба берди
10:46 / 11.10.2024