Толиблар Афғонистондаги қаршилик фронти АҚШ ҳимояси остида ҳаракатланаётганини билдирди
Маълум қилинишича, миллий қаршилик фронти АҚШда офис очишга рухсат олган.
“Толибон” ҳаракати Афғонистондаги миллий қаршилик фронтини АҚШ ҳимояси остида ҳаракат қилаётганликда айблади. Муваққат ҳукумат расмий вакили Иномулла Саманганий ана шундай баёнот билан чиқди.
“Улар ўз муваффақиятсизликларида Трампни, Байденни айблашганди, энди эса Қўшма Штатлар соябони остида қаршиликни давом эттиришга тайёр”, – дея Саманганийнинг сўзларидан иқтибос келтиради AamajNews агентлиги.
Аввалроқ қаршилик фронти вакили Али Майсам Назарий АҚШда лоббичилик фаолиятини олиб бориш ва америкалик сиёсатчиларни афғон мухолифатини қўллаб-қувватлашга ишонтириш билан шуғулланувчи хорижий агент сифатида рўйхатдан ўтишгани ҳақида хабар берганди.
“Афғонистон миллий қаршилик фронти Қўшма Штатларда расман халқаро офис очишга рухсат олди ва тез кунларда бутун дунё бўйлаб фаолиятини кенгайтиради”, – деб ёзди у Twitter саҳифасида.
Мавзуга оид
16:50 / 11.10.2024
Ўзбек компанияси Афғонистоннинг энергетика секторига 1 млрд доллар сармоя киритади
08:10 / 10.10.2024
ТИВ раҳбари Афғонистоннинг Ўзбекистондаги янги элчисини қабул қилди
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
21:27 / 03.10.2024