Болгария Туркия билан чегарага юзлаб ҳарбийларини жўнатди

Болгария Туркия билан чегарасига 350 нафар ҳарбий жўнатди. Улар ноқонуний мигрантлар оқимини тўхтатишда полицияга ёрдам беради. Бу ҳақда мамлакат мудофаа вазири Георги Панайотов маълум қилди.

“Бугун аскарлар полициячиларни қўллаб-қувватлаш учун Болгария–Туркия чегарасига етиб келди”, – деди вазир ва чегарага 40 та техника ҳам жойлаштирилганини қўшимча қилди.

Болгария ИИВнинг маълумот беришича, йил бошидан буён 6,5 мингдан зиёд киши чегарани ноқонуний кесиб ўтган. Бу 2020 йилнинг 9 ойида ўтган нолегаллар сонидан уч бараварга кўпдир.

Болгария Туркия билан 260 километрли чегарага эга.