Нью-Йоркда коронавирусга қарши эмланган болаларга 100 доллардан таклиф қилинмоқда

Нью-Йорк шаҳрида коронавирусга қарши эмланувчи 5 ёшдан 11 ёшгача болалар 100 долларгача олиши мумкин. Бу ҳақда шаҳар мэри Билл де Блазио маълум қилди.

Фото: Depositphotos

“5 ёшдан 11 ёшгача болалар шаҳардаги эмлаш марказида коронавирусга қарши эмланса, 100 доллар миқдорида мукофот пули олиш ҳуқуқига эга”, деб маълум қилган мэр.

Аввалроқ АҚШ президенти Жо Байден мутасадди идоралар кейинги ҳафтадан 5 ёшдан 11 ёшгача болаларни эмлашни бошлашга тайёрлигини айтганди.

Унинг таъкидлашича, АҚШда 28 млндан кўпроқ бола вакцина олиш имконига эга бўлади. Болалар Pfizer/ BioNTech вакцинаси билан бутун мамлакат бўйлаб ёйиладиган 20 мингта эмлаш пунктида, жумладан, мактаблар, шифохоналар ва дорихоналарда эмланиши мумкин бўлади.