Жорий йил тўққиз ойи давомида Ўзбекистоннинг барча ҳудудлари орасида энг катта ташқи савдо айланмаси Тошкент шаҳрида қайд этилди (11,5 миллиард доллар, экспорт – 2,8 миллиард, импорт 8,7 миллиард доллар). Бу ҳақда Давлат статистика қўмитаси маълум қилди.
Маълумотларга кўра, кейинги ўринларни республиканинг қолган ҳудудлари сезиларли ортда қолиш билан эгаллаган: Тошкент вилояти (3,9 миллиард доллар, экспорт — 1,5 миллиард, импорт — 2,4 миллиард доллар), Андижон (2,2 миллиард доллар, экспорт — 629,2 миллион доллар, импорт — 1,5 миллиард доллар), Фарғона (1,3 миллиард доллар, экспорт — 587,4 миллион доллар, импорт — 765,8 миллион доллар) ва Самарқанд вилояти (1,3 миллиард доллар, экспорт — 360,5 миллион доллар, импорт — 968,3 миллион доллар).
Ташқи савдо айланмасининг энг паст кўрсаткичлари Хоразм (372 миллион доллар, экспорт — 165,7 миллион доллар, импорт — 206,3 миллион доллар), Жиззах (350,7 миллион доллар, экспорт — 145,3 миллион доллар, импорт — 205,2 миллион доллар) ва Сурхондарё (306,9 миллион доллар, экспорт — 143,7 миллион доллар, импорт — 163,2 миллион доллар)да қайд этилган
Шу билан бирга, ижобий сальдо кўрсатган, экспорт ҳажми импортдан кўп бўлган ягона ҳудуд Қорақалпоғистон бўлди – 468,2 миллион доллар, экспорт – 297,7 миллион доллар, импорт – 170,5 миллион доллар.
