Ўзбекистонга Беларус мудофаа вазири бошчилигидаги ҳарбий делегация ташриф буюрди
18 ноябрь куни Ўзбекистон мудофаа вазири генерал-лейтенант Баҳодир Қурбонов Беларус мудофаа вазири генерал-лейтенант Виктор Хренин бошчилигидаги делегацияни қабул қилди. Бу ҳақда Мудофаа вазирлиги Ахборот ва оммавий коммуникациялар департаменти хабар берди.
Маълум қилинишича, учрашувда мудофаа соҳасидаги икки томонлама ҳамкорликнинг бугунги ҳолати муҳокама қилинган ва истиқболдаги режалар белгилаб олинди. Ўзбекистон ва Беларус мудофаа вазирликлари ўртасида ҳарбий соҳада ҳамкорлик бўйича 2022 йилга мўлжалланган қатор тадбирларни ўз ичига олган битим имзоланди.
Шунингдек, делегация аъзолари «Ғалаба боғи» ёдгорлик мажмуасидаги «Матонат мадҳияси» мажмуаси пойига гулчамбар қўйди ва «Шон-шараф» музейидаги экспонатлар билан танишди.
Беларуслик ҳарбийлар ташриф давомида Ўзбекистон Қуролли Кучлар академияси, Мудофаа вазирлиги «Чимён» тоғ тайёргарлиги ўқув-машқлар маркази, Чирчиқ олий танк қўмондонлик-муҳандислик билим юртига бориши ва Бухоро вилоятига сафари режалаштирилган.
Мавзуга оид
11:10 / 09.10.2024
Беларусда мухолифатчиларга қарши янги йирик иш очилди
20:39 / 08.10.2024
Беларусда «давлат ҳокимиятини эгаллашга уринган» 22 нафар мухолифатчига жиноят иши қўзғатилди
10:50 / 05.10.2024
Суриштирув: БР украиналик болаларни ҳарбийлаштиришга алоқадор
21:50 / 04.10.2024