Сурхондарё вилояти Шўрчи туманида давлат рақамини яшириб тез ҳаракатланган Spark машинаси Cobalt билан тўқнашган. Оқибатда Spark ҳайдовчиси воқеа жойида вафот этган. Бу ҳақда вилоят ИИБ ЙҲХБ ахборот хизмати хабар бермоқда.
Маълум қилинишича, жорий йил 15 ноябр куни соат 7:00 ларда М41 Бишкек-Душанбе-Термиз халқаро автомобил йўлининг Шўрчи туманидан ўтган 1502-километрида одам ўлими билан боғлиқ йўл-транспорт ҳодисаси содир бўлган.
Spark машинаси ҳайдовчиси давлат рақамини яшириб, катта тезликда ҳаракатланган ва бошқарувни йўқотиб, қарама-қарши йўналишга чиқиб кетган. Сўнг рўпарадан келаётган Cobalt машинаси билан тўқнашган.
Оқибатда Spark машинаси ҳайдовчиси оғир тан жароҳатлари олиб воқеа жойида вафот этган.
Дастлабки суриштирувда аниқланишича, Spark ҳайдовчиси давлат белгисини яшириб белгиланган меъёрларни бузган ҳолда катта тезликда ҳаракатланган.
