Россиялик муфтий жиноятчиларнинг миллати ва динини кўрсатган ОАВни жавобгарликка тортишни таклиф қилди
Кргановнинг таъкидлашича, бу мамлакатда миллий негиздаги низоларнинг вужудга келиш хавфини пасайтириш ва маиший исломофобия пайдо бўлишини камайтиришга ёрдам беради.
Жиноятчиларнинг этник-диний тарафига урғу берадиган оммавий ахборот воситалари маълум бир ижтимоий гуруҳларга нисбатан салбий муносабатни шакллантиради, деди Россия мусулмонлари диний йиғини раҳбари муфтий Альбир Крганов ОАВда жиноятчиларнинг миллатини кўрсатишни тақиқлаш кўзда тутилган қонун лойиҳасига изоҳ бераркан.
Унинг сўзларига кўра, бундай ОАВ жавобгарликка тортилиши лозим.
«Ушбу қонун лойиҳасига бундай маълумотлар чоп этилган хабарлар ва ресурсларни зудлик билан блоклаш талабини ҳам киритиш керак», — деди у.
Кргановнинг таъкидлашича, бундай чоралар мамлакатда миллий негиздаги низоларнинг вужудга келиш хавфини пасайтириш ва маиший исломофобия пайдо бўлишини камайтиришга ёрдам беради.
«Жиноятчининг миллати ва дини бўлмайди, у жиноятни дин ёки бутун бир миллат номидан қилмайди, шунинг учун ОАВда атайлабдан маълум бир дин ёки этник гуруҳга урғу берилиши салбий оқибатларга олиб келади ва экстремистларни илҳомлантиради», — деди у.
Аввалроқ давлат думасига ОАВда жиноятчиларнинг миллатини кўрсатишни тақиқлаш кўзда тутилган қонун лойиҳаси киритилганди. Лойиҳа муаллифларининг фикрича, бу ташаббус Россия ҳудудида «миллатлараро ва динлараро тотувликни сақлаб қолиш зарурати» билан боғлиқ.
Мавзуга оид
21:00 / 07.10.2024
Рамзон Қодиров миграция сиёсатида «ўрта аср ёндашувларидан» воз кечишга чақирди
20:07 / 07.10.2024
Россияда саккиз нафар генерал лавозимдан олинди — ОАВ
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024