Фарғонада юқори тезликда ҳаракатланган «Lacetti» дарахтга урилиши оқибатида 2 киши вафот этди

Фарғона вилоятида «Lacetti» русумли машина дарахтга урилиши оқибатида 2 нафар фуқаро вафот этди, – дея хабар бермоқда вилоят Ички ишлар бошқармаси ахборот хизмати.

Қайд қилинишича, ЙТҲ Фарғона тумани ҳудудидан ўтган Навбаҳор-Учуй-Олтиариқ-Водил автомобиль йўлининг 68 километрида содир бўлган. 

Бахтсиз ҳодиса «Lacetti» ҳайдовчисининг юқори тезликда ҳаракатланиб бошқарувни йўқотиб, дарахтга бориб урилгани оқибатида рўй берган.

ЙТҲ оқибатида автомобиль салонида бўлган 23 ва 16 ёшли фуқаролар оғир жароҳат олиб, шифохонада вафот этган.

Аввалроқ Олтиариқ туманида икки автомобил иштирокида содир бўлган ЙТҲда «Lacetti» билан тўқнашган «Nexia» ҳайдовчиси билан ёниб кетганлиги ҳақида хабар берилган эди.