Ўзбекистонга 10 ойда 300 млн литр бензин импорт қилинди

Қўмита хабарига кўра, 2021 йилнинг январь-октябрь ойларида Ўзбекистонга қиймати 110,2 млн АҚШ долларига тенг бўлган 300 млн литрдан зиёд автомобил бензини импорт қилинган. 

Автомобил бензини импорти ўтган йилнинг мос даврига нисбатан 128 млн литрга ошган.

Ўзбекистон автомобил бензинини импорт қилган асосий давлатлар қуйидагича:
 

• Россия – 142,3 млн литр; 
• Туркманистон – 136 млн литр;    
• Қозоғистон – 16 млн литр; 
• Ироқ – 3,6 млн литр; 
• Эрон – 1,8 млн литр.

Ўзбекистонда 2021 йилнинг январь-октябрь ойларида 902,7 минг тонна автомобил бензини ишлаб чиқарилган.

Аввалроқ, иқтисодчи Абдулла Абдуқодиров Ўзбекистонда бензин нархи барқарорлашиши учун импортга қўйилган тўсиқларни олиб ташлаш кераклигини айтганди. 

У Kun.uz'га берган интервьюсида тўсиқлар сақланиб қолаётганини “бу ерда кимларнингдир манфаати бўлиши мумкин”лиги билан изоҳлади.