Ўзбекистонга телефонлар асосан қайси давлатлардан олиб келинаётгани маълум бўлди

Қўмита хабарига кўра, 2021 йилнинг январь-октябрь ойларида Ўзбекистон хориждан қиймати 154,2 млн AҚШ долларига тенг бўлган 2,2 млн дона мобил телефон импорт қилган.

Телефон импорти ўтган йилнинг мос даври билан солиштирилганда 1,5 млн донага ошган. 

Ўзбекистон 14 та давлатдан мобил телефонлар импорт қилган. Ўзбекистон мобил телефонларни энг кўп импорт қилган давлатлар қуйидагича:

• Хитой – 79,5 млн;
• Вьетнам – 60 млн;
• Ҳиндистон – 7,2 млн;
• Қозоғистон – 5,3 млн;
• БАА – 1,4 млн;
• Германия – 647 минг; 
• Россия – 175,8 минг АҚШ доллари.