Мужоҳид агар яриморол аҳолиси Россия билан бўлишни истаса, «Толибон» ҳам бунга қўшилишини айтди.
«Толибон» ҳаракати Қримда яшаётган инсонларни қўллаб-қувватлайди, уларнинг ўз овози бор, деди ҳаракат расмий вакили Забиҳулла Мужоҳид «Октагон» нашрига берган интервьюсида.
«Қрим масаласида айтмоқчиманки, бу Украина ва Москванинг иши. Бу муаммо тез вақтда ечилади деб умид қиламиз. У туфайли минтақада уруш бошланиши ва бошқа мамлакатлар бундан ўз мақсадларида фойдаланишидан Худо сақласин», — дея қўшимча қилди Мужоҳид.
Ҳаракат вакили Қримнинг Россия ҳудуди деб тан олиниши борасида агар яриморол аҳолиси Россия билан бўлишни истаса, «Толибон» ҳам бунга қўшилишини айтди.
Октябрда Кремль вакили Дмитрий Песков толибларни Афғонистоннинг амалдаги раҳбарияти деб атаганди.
«Толиблар юридик жиҳатдан тан олинмаган, аммо амалда Афғонистон раҳбарияти ҳисобланади», — деганди у.
