Толиблар ва Эрон чегарачилари ўртасида қуролли тўқнашув юз берди
Қайд этилишича, тўқнашув “ўзаро тушунмовчилик” оқибатида келиб чиққан.
Эрон ва Афғонистон чегарасида эронлик чегарачилар ва “Толибон” жангарилари ўртасида қуролли тўқнашув юз берди. Бу ҳақда Aamaj News агентлиги хабар қилди.
Агентликнинг маълумотига кўра, қуролли тўқнашувлар Афғонистон шимолидаги Нимрўз вилоятининг Канг уездида юз берган.
Tasnim агентлиги тўқнашув “ўзаро тушунмовчилик” оқибатида келиб чиққанини ёзмоқда, деб хабар берди Спутник-Афғонистон.
Агентликнинг ёзишича, чегарадан бир неча юз метр нарида, Эрон томонида контрабандачилардан ҳимояланиш учун девор кўтарилган. Эронлик фермерлар Эрон ҳудудида қолган ҳолда мазкур девордан ўтишган. Толиблар чегара бузилди деган фикрда уларга қарата ўт очган ва эронликлар бунга жавоб қайтарган.
Ҳозирда тўқнашув тугаган ва томонлар мазкур масалани муҳокама қилмоқда.
Мавзуга оид
19:33
Эрон Исроил билан можарода Россиянинг ёрдамига умид қилиши мумкинми?
22:07 / 07.10.2024
Эрон Исроил ҳужуми содир бўлган тақдирда камида 10 та чора сценарийсини тайёрлади
11:41 / 07.10.2024
Исроилнинг қуруқлик амалиёти. Ливанга «чекланган» босқин катта урушга айланадими? Ва унга Эрон ҳам қўшиладими?
09:20 / 07.10.2024