Шавкат Мирзиёев «Отан қорғаушилар» монументига гул қўйди

Ўзбекистон Республикаси Президенти Шавкат Мирзиёев 6 декабрь куни Нур-Султон шаҳридаги "Отан қорғаушилар" ("Ватан ҳимоячилари”) монументига гул қўйди. 

Ушбу ёдгорлик Иккинчи жаҳон урушида ҳалок бўлган қозоғистонлик жангчилар хотирасига бағишлаб бунёд этилган. Унинг баландлиги 37 метр. Монумент марказида Ватан тимсоли - она тасвирланган.

Хорижий давлатлар раҳбарлари бу ёдгорликка гул қўйиб, Қозоғистон халқига ҳурмат-эҳтиромини билдирадилар.