Хитой Афғонистонга минг тонна биринчи зарурат буюмларини ҳам жўнатган.
Хитой коронавирус тарқалишига қарши курашиш учун Афғонистонга бир миллион доза COVID-19га қарши вакцина ҳамда 1,6 миллион дона шприц тақдим этди. Бу ҳақда Хитойдаги элчи Жовид Аҳмад Қайм маълум қилди.
«Хитой Афғонистонга COVID-19га қарши бир миллион доза вакцинани беғараз берди. Бугун Пекин аэропортида вакциналар партиясини қабул қилдим ва Кобулга жўнатдим. Шунингдек, 1,6 миллион дона шприц ҳам жўнатилди», — деб ёзди Қайм Twitter саҳифасида.
Синьхуа агентлигининг ёзишича, Хитой Афғонистонга минг тонна биринчи зарурат буюмларини ҳам жўнатган.
Аввалроқ Хитой ташқи ишлар вазири Ван И АҚШни Афғонистондан санкцияларни олиб ташлашга чақирганди.