Қўшимча функционаллар
-
Тунги кўриниш
Ўзбекистон | 20:20 / 08.12.2021
2315
1 дақиқада ўқилади
Андижонда пиротехника воситаларини олиб киришга уринган шахс тўхтатиб қолинди
Фото: Давлат божхона қўмитаси ахборот хизмати
Андижон вилояти “Дўстлик” чегара божхона постида ноқонуний равишда пиротехника воситаларини олиб кираётган шахс тўхтатиб қолинди. Бу ҳақда Давлат божхона қўмитаси ахборот хизмати хабар бермоқда.
Қайд этилишича, мазкур пост орқали пиёда равишда кириб келган қўшни давлат фуқароси А.Г.нинг безовталаниши божхоначилар диққатини тортди. Шундан сўнг, ушбу шахслар холислар иштирокида божхона кўригидан ўтказилганида, у ёнидаги қиймати салкам 5 млн сўмлик жами 19 800 дона “С новым годом” номли пиротехника воситаларини яшириб олиб ўтаётганлиги аниқланди.
Ҳозирда мазкур ҳолат юзасидан божхона текшируви ва суриштирув ишлари олиб борилмоқда.
