Эндиликда ҳафтанинг душанба ва жума кунлари Фарғона–Сўх–Фарғона йўналишида авиақатновлар йўлга қўйилади.
Фото: Сўх тумани ҳокимлиги ахборот хизмати
12 декабрдан “Humo Air” МЧЖ авиакомпанияси Фарғона–Сўх–Фарғона йўналишида илк парвозларни амалга ошира бошлайди.
Транспорт вазирлигининг хабар беришича, дастлабки босқичда авиақатновлар ҳафтанинг душанба ва жума кунлари Фарғона–Сўх йўналишида соат 10:00 да, Сўх–Фарғона йўналишида соат 12:00 да амалга оширилиши режалаштирилган.
Хабарга кўра, парвозларда АН-2 самолётлари 30 дақиқа вақт давомийлигида ҳаракатланади.
Йўловчилар авиачипталарни Фарғона, Андижон ва Наманган аэропортлари ҳамда Сўх тумани ҳокимияти биноларида харид қилиш имкониятига эга.
