Туркия лазер қуролига эга бўлган дунёдаги биринчи дронни синовдан ўтказди

Eren дрони лазер ёрдамида портловчи қурилмаларни масофадан туриб йўқ қилишга мўлжалланган.

Фото: Anadolu Agency

Туркия лазер қуролига эга бўлган дунёдаги илк дронни синовдан ўтказди, деб хабар берди Онадўлу агентлиги.

Eren деб ном олган дрон 500, 300 ва 100 метр масофадан нишонларни муваффақиятли тарзда йўқ қилган.

“TÜBİTAK ва ASİSGUARD мудофаа компаниялари томонидан ишлаб чиқарилган Eren дрони лазер ёрдамида портловчи қурилмаларни масофадан туриб йўқ қила олади”, – дейилади хабарда.

Таъкидланишича, дроннинг максимал парвоз баландлиги 3 минг метрни ташкил этади.