Сирдарё вилоятида электр энергиясидан ноқонуний фойдаланиш ҳолатларини аниқлаш бўйича ўтказилаётган рейд тадбирлари давомида 2,5 млрд сўмдан ортиқ зарар етказилгани аниқланди. Бу ҳақда Sirdaryo HETK Kun.uz'га маълум қилди.
Фото: Sirdaryo HETK
Сирдарёда 2021 йилнинг 11 ойи давомида электр энергиясидан ноқонуний фойдаланган 1 минг 899 нафар истеъмолчи аниқланган ва уларга нисбатан далолатнома тузилган.
Электр энергиясидан ноқонуний фойдаланиш ҳолатларини аниқлаш бўйича ўтказилган рейд тадбирлари давомида 2 млрд 513 миллион 981 минг сўм миқдорида зарар етказилгани аниқланиб, қайта ҳисоб-китоб қилинган.
Ноқонуний равишда электр энергиясидан фойдаланиш аниқланган ҳудудлар:
- Гулистон шаҳри - 736 та;
- Сирдарё тумани - 389 та;
- Сайхунобод тумани - 221 та.
Ҳозирда рейд тадбирлари вилоятнинг барча шаҳар ва туманларида давом эттирилмоқда.
