Сув тармоқларига ноқонуний уланиш ҳолатлари бўйича етакчи ҳудудлар маълум қилинди

«Ўзсувтаъминот» хабарига кўра, энг юқори кўрсаткичлар қуйидаги ҳудудларда қайд этилди:

• Хоразм вилоятида – 910 та;
• Наманган вилоятида – 714 та;
• Тошкент вилоятида – 599 та ҳолат.

Маълум қилинишича, мазкур қонунбузарликлар туфайли давлат ва жамият манфаатларига жами 35,2 миллиард сўмлик зарар етказилган.

Бундан ташқари, ушбу давр мобайнида акциядорлик жамияти ва унинг ҳудудий масъулияти чекланган жамиятлари томонидан республика бўйича 5 421 нафар жисмоний ва юридик истеъмолчи жами 19,8 миллиард сўмлик қарздорлиги учун сув таъминоти тармоғидан узилган.