Қўшимча функционаллар
-
Тунги кўриниш
ЖССТ омикрон дельта-штаммдан тезроқ тарқалаётганини маълум қилди
ЖССТ тадқиқотлар коронавируснинг янги омикрон-штамми ундан аввалги дельта-штаммдан тезроқ тарқалаётганини тасдиқлаганини маълум қилди.
Фото: Reuters
Бундан ташқари, омикрон вирусга қарши эмланганлар ва ундан соғайганларни ҳам зарарлайди. Бу ҳақда ЖССТ бош директори Тедрос Гебрейесус маълум қилди.
“Айни вақтда омикрон дельтадан тезроқ тарқалаётгани ва эмланганлар ҳамда вирусдан соғайганлар яна унга чалиниши мумкинлигининг тасдиғи бор”, деб таъкидлаб ўтган ЖССТ раҳбари.
Халқаро ташкилот, шунингдек, омикрон-штаммнинг тарқалиши бўйича прогноз берди. Мутахассисларнинг таъкидлашича, янги штамм тобора кўпроқ давлатларда, жумладан аҳолининг вирусга қарши эмланганлик даражаси юқори бўлган жойларда ҳам қайд қилинмоқда.
Бу орада ЖССТ бош илмий ходими Сумья Сваминатан омикрон ўйланаётгандек коронавируснинг енгил варианти ҳисобланмаслиги ва оғир касалланишга олиб келиши мумкинлигини айтган. Шу сабабли у “қўлни қовуштириб ўтириш ножоизлигини” қўшимча қилган.
Мавзуга оид
18:55 / 05.10.2024
ЖССТ болаларнинг мобил телефонлардан фойдаланишини қонунан чеклашга чақирди
20:48 / 04.10.2024
Марбург безгаги глобал тарқалишининг хавфи паст — ЖССТ раҳбари
16:59 / 03.10.2024
Марбург вируси: ЖССТ янги глобал эпидемия хавфидан огоҳлантирди
00:28 / 19.09.2024