Самарқандда ҳаракатланиб кетаётган «Лада» машинаси ёниб кетди

Самарқанд шаҳрида ҳаракатланиб кетаётган «Лада» машинаси ёниб кетган. Бу ҳақда вилоят ИИБ ахборот хизмати хабар бермоқда.

Фото: ИИБ ахборот хизмати

Маълум қилинишича, бугун соат 18:10 ларда Самарқанд шаҳрининг Спитамен шоҳкўчасида ҳаракатланиб келаётган «Лада» русумли машинанинг мотор қисмида қисқа туташув содир бўлиб, ёнғин юзага келган. Ҳайдовчи зудлик билан машинани йўл четига тўхтатиб, ёнғин хавфсизлигига хабар берган.

Ёнғин ўт ўчирувчилар томонидан бартараф этилган. Ҳодиса оқибатида ҳеч ким жароҳат олмаган ва ҳалок бўлмаган. Фақат машина ёниб кетиб, яроқсиз ҳолга келган.

Қайд этилишича, ҳозирда ҳолат юзасидан терговга қадар текширув ҳаракатлари олиб борилмоқда.