Францияда бир суткада 208 минг кишида коронавирус аниқланди

Франция соғлиқни сақлаш вазири Оливье Веран мамлакатда ўтган суткада 208 минг кишида коронавирус аниқланганини маълум қилди. Бу ҳақда Le Figaro газетаси хабар бермоқда.

“Омикрон” тўғрисида “тўлқин” сўзини ишлатмаган бўлардим, буни “бўрон” ва ҳатто “цунами” дейиш мумкин”, — деди вазир.

Вераннинг маълумот беришича, 10 фоизга яқин французлар коронавирусга мусбат тест топширганлар билан мулоқотда бўлган.

Шунингдек, шифохонага ётқизилганларнинг 70 фоизини эмланмаганлар ташкил этади.