Туркияда коронавирусга қарши вакцинанинг бешинчи дозаси билан эмлашга рухсат берилди

Бешинчи доза сифатида Sinovac, BioNTech ёки Туркиянинг Turkovac вакцинасини олиш мумкин.

Фото: AP

Туркияда коронавирусга қарши вакцинанинг тўрт дозасини қабул қилганларга бешинчи дозани олишга рухсат берилди, деб ёзади Daily Sabah.

"Камида уч ой аввал Хитойнинг Sinovac вакцинасидан икки доза ва BioNTech вакцинасидан икки доза олганлар бешинчи дозани қабул қилишлари мумкин", - дейилади хабарда.

Бешинчи доза сифатида Sinovac, BioNTech ёки Туркиянинг Turkovac вакцинасини олиш мумкин.

Маълумот берилишича, Туркияда 18 ёшдан катта аҳолининг 83,26 фоизи вакцинанинг икки дозаси билан эмланган.

Мамлакатда ўтган суткада коронавирус юқтириш билан боғлиқ 44,9 мингта янги ҳолат аниқланган.