Эронда сув тошқинлари оқибатида саккиз киши қурбон бўлди

Эронда тинимсиз ёмғирлар оқибатида сув тошқинлари юзага келди. Табиий офат саккиз кишининг умрига зомин бўлди, деб хабар берди The Watchers.

"Саккиз киши ҳалок бўлган, икки киши бедарак йўқолган, деб ҳисобланмоқда", - деди Эрон миллий қутқарув хизмати вакили Мужтабо Холидий.

Холидийнинг қўшимча қилишича, 500дан ортиқ қутқарувчилар жабрланган ҳудудлардаги одамларга ёрдам кўрсатган.

Ёғингарчилик қишлоқ хўжалиги, инфратузилмага зарар етказган.

Эрон Қизил яримой жамияти уч мингдан ортиқ инсонга тезкор бошпана тақдим этган.

Ёғингарчиликлар ушбу ҳафта охиригача давом этиши кутилмоқда.